कल्याणराव काळे यांचा राष्टवादीत प्रवेश निश्चित ?

 

कल्याणराव काळे यांचा राष्टवादीत प्रवेश निश्चित ?

पंढरपूर | लवकरच भाजपाला एक मोठा झटका लागण्याची शक्यता आहे. भाजपचे नेते कल्याणराव काळे हे राष्ट्रवादी काँग्रेसमध्ये प्रवेश करणार असल्याचं म्हटलं जातंय.

शुक्रवारी सरकोलीमध्ये झालेल्या कार्यक्रमात कल्याणराव काळे हे राष्ट्रवादी काँग्रेसचे सर्वेसर्वा शरद पवार यांच्यासोबत एकाच मंचावर उपस्थित असलेले दिसले. त्यामुळे काळे पुन्हा एकदा राष्ट्रवादीची वाट धरणार असल्याचं बोललं जातंय.

दरम्यान या कार्यक्रमात आपण यापुढे शरद पवार साहेब जे सांगतील त्या पध्दतीने काम करू, असं विधान काळे यांनी केलं. यामुळे भाजपला झटका लागणार असल्याच्या चर्चा रंगल्यात.

कल्याणराव काळे यांनी 2014 मध्ये काँग्रेसकडून निवडणूक लढवली होती. मात्र लोकसभा निवडणुकांच्या दरम्यान कल्याणराव काळेंनी भाजपात प्रवेश केला होता. आणि आता त्याचा राष्टवादी काँग्रेस मध्ये प्रवेश निश्चित असल्याचे सांगितले जाते आहे.

आता पाहिचे हेच आहे की त्याच्या प्रवेशाला मुहूर्त कधी मिळतो