सुहास कांदेच्या विरोधात ठाकरे गटाचा उमेदवार ठरला !

सुहास कांदेच्या विरोधात ठाकरे गटाचा उमेदवार ठरला !

शिवसेना ठाकरे गटाची पहिली यादी जाहीर करण्यात आली असून नांदगाव विधानसभा मतदारसंघातून शिवसेना जिल्हाप्रमुख गणेश धात्रक यांना शिवसेनेची (ठाकरे गट) उमेदवारी देण्यात आली आहे. त्यामुळे, माजी खासदार समीर भुजबळ यांच्या ठाकरे गटाकडून उमेदवारीच्या आशा मावळल्या आहेत. नांदगाव मतदारसंघात आता शिवसेना शिंदे व ठाकरे गटात लढत होणार असल्याचे स्पष्ट झालं आहे. धात्रक हे शिवसेना ठाकरे गटाचे जिल्हाप्रमुख व मनमाड नगरपरिषदेचे माजी नगराध्यक्ष आहेत. ठाकरे गटाची उमेदवारी गणेश धात्रक यांना जाहीर झाल्याने मतदारसंघात शिवसैनिकांनी आनंद व्यक्त केला आहे.